Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਕੁੱਤਾ ਹੈ ਘਰ?-– ਰਿਪੁਦਮਨ ਸਿੰਘ ਰੂਪ
ਐਡਵੋਕੇਟ ਸੁਰਿੰਦਰ ਕੁਮਾਰ ਆਪਣੀ ਲੜਕੀ ਦੇ ਵਿਆਹ ਦਾ ਕਾਰਡ ਦੇਣ ਲਈ ਇੱਕ ਜੱਜ ਦੀ ਕੋਠੀ ਅੱਗੇ ਰੁਕਿਆ। ਉਹਨੇ ਜਦੋਂ ਬੈੱਲ ਮਾਰੀ ਤਾਂ ਇੱਕ ਸ਼ੇਰ ਵਰਗਾ ਕੁੱਤਾ ਭੌਂਕਣ ਲੱਗਾ। ਕੁੱਤਾ ਆਪਣੇ ਮੂਹਰਲੇ ਪੰਜੇ ਚਾਰਦੀਵਾਰੀ ਉੱਤੇ ਰੱਖ ਕੇ ਸੁਰਿੰਦਰ ਕੁਮਾਰ ਨੂੰ ਝੱਈਆਂ ਲੈ ਲੈ ਪੈ ਰਿਹਾ ਸੀ। ਜੱਜ ਦਾ ਅਰਦਲੀ ਭੱਜਾ ਆਇਆ ਤੇ ਉਸ ਨੇ ਕੁੱਤੇ ਨੂੰ ਫੜ੍ਹਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਉਸ ਦੇ ਕਾਬੂ ਨਹੀਂ ਸੀ ਆ ਰਿਹਾ। ਜੱਜ ਸਾਹਿਬ ਆਪ ਬਾਹਰ ਭੱਜੇ ਭੱਜੇ ਆਏ ਅਤੇ ਕੁੱਤੇ ਦੇ ਗਲ ਵਿਚ ਸੰਗਲੀ ਪਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਕੁੱਤਾ ਸੀ ਕਿ ਜਿਵੇਂ ਸੁਰਿੰਦਰ ਕੁਮਾਰ ਨੂੰ ਪਾੜ ਕੇ ਹੀ ਅੱਜ ਛੱਡੇਗਾ।
ਕੁੱਤੇ ਅਤੇ ਜੱਜ ਨੂੰ ਇਸ ਤਰ੍ਹਾਂ ਘੁਲਦੇ ਦੇਖ ਐਡਵੋਕੇਟ ਸੁਰਿੰਦਰ ਕੁਮਾਰ ਭਮੱਤਰ ਗਿਆ। ਉਹ ਐਨਾ ਭੈਅਭੀਤ, ਬਦਹਵਾਸ ਅਤੇ ਬੌਂਦਲਿਆ ਖੜ੍ਹਾ ਸੀ ਕਿ ਉਸ ਨੂੰ ਸਫ਼ੈਦ ਕੁੱਤੇ ਦੇ ਵੱਡੇ ਸਾਰੇ ਸਿਰ ਅਤੇ ਜੱਜ ਦੇ ਸਫ਼ੈਦ ਪਗੜ ਤੋਂ ਕੁੱਤੇ ਅਤੇ ਜੱਜ ਦਾ ਫ਼ਰਕ ਵੀ ਦਿਸਣੋ ਹਟ ਗਿਆ ਸੀ। ਅਰਦਲੀ ਅਤੇ ਜੱਜ ਨੇ ਜਿਵੇਂ ਮਸੀਂ ਹੀ ਕੁੱਤੇ ਨੂੰ ਕਾਬੂ ਕਰਕੇ ਸੰਗਲੀ ਮਾਰੀ। ਜੱਜ ਨੇ ਐਡਵੋਕੇਟ ਸੁਰਿੰਦਰ ਕੁਮਾਰ ਤੋਂ ਕਾਰਡ ਅਤੇ ਡੱਬਾ ਫੜ੍ਹਿਆ। ਜੱਜ ਅਜੇ ਵੀ ਹੌਂਕ ਰਿਹਾ ਸੀ।
ਸੁਰਿੰਦਰ ਕੁਮਾਰ ਹੁਣ ਦੂਜੇ ਜੱਜ ਦੇ ਘਰ ਅੱਗੇ ਕਾਰਡ ਅਤੇ ਡੱਬਾ ਲਈ ਖੜ੍ਹਾ ਸੀ। ਉਹਨੇ ਦੂਰ ਵਰਾਂਡੇ ਵਿਚ ਖੜ੍ਹੇ ਬੰਦੇ ਤੋਂ ਪੁੱਛਿਆ, ‘‘ਕੁੱਤਾ ਤਾਂ ਨਹੀਂ ਘਰ?’’
ਬੰਦੇ ਨੂੰ ਜਿਵੇਂ ਸੁਣਿਆ ਨਾ ਹੋਵੇ। ਸੁਰਿੰਦਰ ਕੁਮਾਰ ਨੇ ਫਿਰ ਉੱਚੀ ਆਵਾਜ਼ ਵਿਚ ਕਿਹਾ, ‘‘ਕੁੱਤਾ ਹੈ ਘਰ?’’
ਬੰਦੇ ਨੇ ਹੈਰਾਨੀ ਭਰੇ ਗੁੱਸੇ ਨਾਲ ਪੁੱਛਿਆ, ‘‘ਕੀ? ਕੁੱਤਾ? ਕਿਹੜਾ ਕੁੱਤਾ? ਇਹ ਜੱਜ ਸਾਹਿਬ ਦਾ ਘਰ ਹੈ ਜਨਾਬ ਜੱਜ ਸਾਹਿਬ ਦਾ।’’
ਪਹਿਲੇ ਜੱਜ ਦੇ ਕੁੱਤੇ ਦਾ ਡਰ ਅਜੇ ਵੀ ਜਿਵੇਂ ਸੁਰਿੰਦਰ ਕੁਮਾਰ ਦਾ ਪਿੱਛਾ ਕਰ ਰਿਹਾ ਸੀ। ਉਹ ਅਜੇ ਵੀ ਜਿਵੇਂ ਦਹਿਲਿਆ ਪਿਆ ਸੀ। ਉਹਨੇ ਗਲਤੀ ਠੀਕ ਕਰਦਿਆਂ ਕਿਹਾ, ‘‘ਮੈਂ ਤਾਂ ਕਹਿਣੈ ਬਈ ਕਿਤੇ ਜੱਜ ਸਾਹਿਬ… ਸੌਰੀ ਮੇਰਾ ਮਤਲਬ ਕੁੱਤਾ ਤਾਂ ਨਹੀਂ ਖੁੱਲ੍ਹਾ ਫਿਰਦਾ…!’’
ਅਰਦਲੀ ਨੇ ਸੁਰਿੰਦਰ ਕੁਮਾਰ ਵਕੀਲ ਨੂੰ ਪਛਾਣਦਿਆਂ ਕਿਹਾ, ‘‘ਅੱਛਿਆ, ਅੱਛਿਆ ਵਕੀਲ ਸਾਹਿਬ ਤੁਸੀਂ ਓ…। ਕੁੱਤੇ ਤੋਂ ਐਨਾ ਡਰਦੇ ਓ…। ਉਹ ਬੰਨ੍ਹਿਐ ਸਾਹਿਬ ਜੀ ਕੁੱਤਾ ਪਿੱਛੇ… ਫ਼ਿਕਰ ਨਾ ਕਰੋ…। ਲਿਆਓ ਕਾਰਡ ਫੜਾਓ… ਜੱਜ ਸਾਹਿਬ ਤਾਂ ਘਰ ਨੀਂ…।’’
ਅਰਦਲੀ ਨੂੰ ਕੀ ਪਤਾ ਸੀ ਕਿ ਪਿਛਲੇ ਜੱਜ ਸਾਹਿਬ ਦੀ ਕੋਠੀ ਅੱਗੇ ਸੁਰਿੰਦਰ ਕੁਮਾਰ ਨਾਲ ਕੀ ਬੀਤੀ ਸੀ।
– ਰਿਪੁਦਮਨ ਸਿੰਘ ਰੂਪ
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback