Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਸਾਡੇ ਘਰ ਤਾਂ ਆਪ ਮੇਲਾ ਲੱਗਿਆ… ਸ਼ਵਿੰਦਰ ਕੌਰ
ਛੁੱਟੀਆਂ ਹੋਣ ਕਾਰਨ ਸ਼ਾਮ ਸਮੇਂ ਪਾਰਕ ਬੱਚਿਆਂ ਨਾਲ ਭਰਿਆ ਹੁੰਦਾ ਹੈ। ਆਪੋ-ਆਪਣੇ ਗਰੁੱਪ ਬਣਾ ਕੇ ਮੌਜ ਮਸਤੀ ਕਰਦੇ, ਰੌਲਾ ਪਾਉਂਦੇ, ਨੱਚਦੇ ਟੱਪਦੇ, ਹੱਸਦੇ ਹਸਾਉਂਦੇ, ਫੁੱਲਾਂ ਵਾਂਗ ਟਹਿਕਦੇ ਬੱਚੇ ਤੱਕ ਕੇ ਮਨ ਨੂੰ ਸਕੂਨ ਮਿਲਦਾ ਹੈ। ਸ਼ਾਮ ਹੁੰਦਿਆਂ ਹੀ ਮੈਂ ਵੀ ਪਾਰਕ ਵਿਚ ਪਏ ਬੈਂਚਾਂ ਉੱਤੇ ਆਪਣੀ ਹਮਉਮਰ ਸਾਥਣਾਂ ਕੋਲ ਜਾ ਬੈਠਦੀ ਹਾਂ।
ਗੱਲਾਂ ਬੱਚਿਆਂ ਦੀਆਂ ਛੁੱਟੀਆਂ ਤੋਂ ਸ਼ੁਰੂ ਹੋ ਕੇ ਨਾਨਕੇ ਘਰ ਜਾਣ ਤੱਕ ਜਾ ਪਹੁੰਚਦੀਆਂ ਹਨ। ਤੁਰਦੀ ਗੱਲ ਆਪਣੀ ਪੀੜ੍ਹੀ ਤੋਂ ਸ਼ੁਰੂ ਹੋ ਕੇ ਨਵੀਂ ਪਨੀਰੀ ਦੇ ਨਾਨਕੇ ਘਰ ਜਾਣ ਤੱਕ ਜਾ ਪਹੁੰਚਦੀ ਹੈ। ਆਪਣੇ ਪੋਤਰੇ ਅਤੇ ਪੋਤਰੀ ਨੂੰ ਖਿਡਾਉਣ ਲੈ ਕੇ ਆਈ ਬਜ਼ੁਰਗ ਔਰਤ ਆਪਣੇ ਸਮੇਂ ਦਾ ਕਿੱਸਾ ਛੋਹ ਲੈਂਦੀ ਹੈ। ਮੇਰੇ ਬੱਚੇ ਤਾਂ ਛੁੱਟੀਆਂ ਮਿਲਣ ਤੋਂ ਮਹੀਨਾਂ ਪਹਿਲਾਂ ਹੀ ਨਾਨਕੇ ਘਰ ਜਾਣ ਦੀਆਂ ਸਕੀਮਾਂ ਬਣਾਉਣ ਲੱਗ ਪੈਂਦੇ। ਜਲਦੀ ਜਲਦੀ ਸਕੂਲ ਦਾ ਕੰਮ ਨਿਬੇੜ ਦਿੰਦੇ। ਪਹਿਲੀ ਛੁੱਟੀ ਨੂੰ ਹੀ ਅਸੀਂ ਚਾਲੇ ਪਾ ਦਿੰਦੇ। ਆਖਰੀ ਛੁੱਟੀ ਵਾਲੇ ਦਿਨ ਮੇਰਾ ਭਰਾ ਜਵਾਕਾਂ ਨੂੰ ਖਿੱਚ ਧੂਹ ਕੇ ਬੱਸ ਚੜ੍ਹਾਉਂਦਾ ਤੇ ਸਾਨੂੰ ਛੱਡ ਕੇ ਜਾਂਦਾ। ਉਨ੍ਹਾਂ ਸਮਿਆਂ ਵਿਚ ਕਿਹੜਾ ਪਹਾੜਾਂ ਦੀ ਸੈਰ ਕਰਨ ਜਾਣਾ ਹੁੰਦਾ ਸੀ, ਲੈ ਦੇ ਕੇ ਨਾਨਕੇ ਹੀ ਹੁੰਦੇ ਸਨ ਜਾਣ ਲਈ। ਮਾਸੀਆਂ ਤਾਂ ਆਪ ਵੀ ਉੱਥੇ ਪਹੁੰਚੀਆਂ ਹੁੰਦੀਆਂ ਸਨ। ਹੁਣ ਤਾਂ ਨੌਕਰੀ ਕਾਰਨ ਜਾਂ ਬੱਚਿਆਂ ਨੂੰ ਪੜ੍ਹਾਉਣ ਲਈ ਆਏ ਮਾਪਿਆਂ ਦੇ ਬੱਚਿਆਂ ਨੇ ਦਾਦੇ ਦਾਦੀ ਕੋਲ ਵੀ ਛੁੱਟੀਆਂ ਕੱਟਣ ਜਾਣਾ ਹੁੰਦਾ ਹੈ।
ਮੈਡਮ ਗਿੱਲ ਜਿਸ ਦੀ ਧੀ ਦੋ ਹਫ਼ਤੇ ਲਾ ਕੇ ਗਈ ਸੀ, ਕਹਿਣ ਲੱਗੀ, “ਭਾਈ ਉਦੋਂ ਜ਼ਮਾਨਾ ਹੋਰ ਸੀ। ਘਰ ਵਿਚ ਜੋ ਕੁਝ ਬਣਨਾ, ਸਾਰਿਆਂ ਨੇ ਉਹੀ ਖਾਹ ਪੀ ਲੈਣਾ। ਜੇ ਕੋਈ ਬੱਚਾ ਨਖ਼ਰਾ ਦਿਖਾਉਂਦਾ, ਮਾਮੀ ਨਾਨੀ ਕੋਈ ਵੀ ਬੱਚੇ ਨੂੰ ਝਿੜਕ ਦਿੰਦੀ। ਨਾ ਤਾਂ ਕੋਈ ਗੁੱਸਾ ਕਰਦਾ ਸੀ ਤੇ ਨਾ ਹੀ ਹੁਣ ਦੇ ਬੱਚਿਆਂ ਵਾਂਗ ਉਹ ਬੱਚੇ ਆਪਣੀ ਬੇਇਜ਼ਤੀ ਹੋਈ ਸਮਝਦੇ ਸਨ। ਆਹ ਸਾਡੀ ਕੁੜੀ ਆਈ ਸੀ, ਦੋ ਉਹਦੇ ਤੇ ਦੋ ਸਾਡੇ, ਚਾਰਾਂ ਨੇ ਰਲ ਕੇ ਪੰਦਰਾਂ ਦਿਨ ਤਪਾ ਛੱਡਿਆ। ਜਿਹੜੀ ਚੀਜ਼ ਇਕ ਨੂੰ ਪਸੰਦ, ਉਹ ਦੂਜੇ ਨੂੰ ਨਹੀਂ। ਸਾਰਾ ਦਿਨ ਫਰਮਾਇਸ਼ਾਂ ਹੀ ਪੂਰੀਆਂ ਨਾ ਹੁੰਦੀਆਂ। ਉੱਤੋਂ ਗਰਮੀ ਦੀ ਰੁੱਤ। ਮਸਾਂ ਹਰ ਹਰ ਕਰਕੇ ਪੰਦਰਾਂ ਦਿਨ ਕੱਢੇ।”
ਗੱਲ ਤੁਹਾਡੀ ਸਹੀ ਹੈ। ਮੇਰੀ ਮਾਂ ਕਦੇ ਚੂਰੀ ਕੁੱਟ ਦਿੰਦੀ। ਖੀਰ ਬਣਾ ਦਿੰਦੀ। ਕਦੇ ਮੀਂਹ ਪੈ ਜਾਂਦਾ ਤਾਂ ਗੁਲਗੁਲੇ ਮੱਠੀਆਂ ਅਤੇ ਪੂੜੇ ਬਣਾ ਦਿੰਦੀ। ਜਵਾਕਾਂ ਨੇ ਖਾਂਦਿਆਂ ਐਂ ਟਪੂਸੀਆਂ ਮਾਰਨੀਆਂ ਜਿਵੇਂ ਜੱਗੋਂ ਨਿਆਰੀ ਚੀਜ਼ ਮਿਲ ਗਈ ਹੋਵੇ। ਆਥਣੇ ਦਾਣੇ ਦੇ ਕੇ ਭੱਠੀ ਵਾਲੀ ਵੱਲ ਭੁਨਾਉਣ ਲਈ ਭੇਜ ਦੇਣਾ। ਹੁਣ ਤਾਂ ਆਹ ਟੀਵੀ ਵਾਲਿਆਂ ਨੇ ਇਨ੍ਹਾਂ ਦੀ ਮੱਤ ਮਾਰ ਛੱਡੀ ਹੈ। ਉਸ ਤੋਂ ਵੇਖ ਵੇਖ ਕੇ ਪਤਾ ਨਹੀਂ ਕੀ ਅੱਗ ਸਵਾਹ ਪੀਜ਼ੇ, ਬਰਗਰ, ਮੈਗੀ, ਕੁਰਕੁਰੇ ਮੰਗੀ ਜਾਣਗੇ। ਰੋਟੀ ਤਾਂ ਇਨ੍ਹਾਂ ਦੇ ਸੰਘੋਂ ਨਹੀਂ ਲੰਘਦੀ। ਬੱਚੇ ਵੀ ਕੀ ਕਰਨ, ਸਾਰਾ ਦਿਨ ਇਨ੍ਹਾਂ ਨੂੰ ਇਹੋ ਕੁਝ ਦਿਖਾਈ ਜਾਂਦੇ ਹਨ। ਕੋਲ ਬੈਠੀ ਇੱਕ ਹੋਰ ਬੀਬੀ ਵੀ ਗੱਲਬਾਤ ਵਿਚ ਸ਼ਾਮਿਲ ਹੋ ਗਈ ਸੀ।
ਗੱਲਾਂ ਸੁਣ ਰਹੀ ਇਕ ਨੌਜਵਾਨ ਬੀਬੀ ਵੀ ਮਹਿਫ਼ਲ ਵਿਚ ਸ਼ਾਮਲ ਹੋ ਕੇ ਚੁੰਝ ਚਰਚਾ ਵਿਚ ਹਿੱਸਾ ਲੈਂਦੀ ਆਪਣੀ ਰਾਇ ਦੱਸਣ ਲੱਗ ਪਈ। ਅਸਲ ਵਿਚ ਆਂਟੀ ਜੀ ਸਾਮਾਨ ਤਾਂ ਉਹੀ ਤੁਹਾਡੇ ਵਾਲਾ ਹੀ ਕਣਕ, ਛੋਲੇ, ਮੱਕੀ, ਜੌਂ, ਜਵੀ, ਦਾਲਾਂ, ਦੁੱਧ, ਲੱਸੀ ਹੁੰਦਾ ਹੈ। ਜਦੋਂ ਤੁਸੀਂ ਇਨ੍ਹਾਂ ਦਾ ਘਰ ਵਿਚ ਖਾਣ ਪੀਣ ਦਾ ਸਮਾਨ ਬਣਾਉਂਦੇ ਸੀ, ਉਹ ਤਾਕਤਵਰ ਅਤੇ ਸਾਫ ਸੁਥਰਾ ਹੁੰਦਾ ਸੀ। ਹੁਣ ਕੰਪਨੀਆਂ ਵਾਲੇ ਉਸੇ ਸਮਾਨ ਤੋਂ ਨਵੀਆਂ ਨਵੀਆਂ ਮਸਾਲੇਦਾਰ ਅਤੇ ਚਟਪਟੀਆਂ ਚੀਜ਼ਾਂ ਬਣਾ ਕੇ ਆਪ ਤਾਂ ਖੂਬ ਮੁਨਾਫ਼ਾ ਕਮਾਉਂਦੇ ਹਨ ਪਰ ਬੱਚਿਆਂ ਦੀ ਸਿਹਤ ਨਾਲ, ਤੁਹਾਡੀ ਜੇਬ ਨਾਲ ਅਤੇ ਰਿਸ਼ਤਿਆਂ ਨਾਲ ਖਿਲਵਾੜ ਕਰਕੇ ਨੁਕਸਾਨ ਪਹੁੰਚਾਉਂਦੇ ਹਨ। ਜਦੋਂ ਘਰ ਵਿਚ ਪੈਦਾ ਹੁੰਦੀਆਂ ਵਸਤਾਂ ਦੀ ਵਰਤੋਂ ਹੁੰਦੀ ਸੀ, ਘਰ ਵਿਚ ਭਾਵੇਂ ਦਸ ਜੀਅ ਮਿਲਣ ਗਿਲਣ ਵਾਲੇ ਆ ਜਾਂਦੇ, ਬਹੁਤਾ ਫ਼ਰਕ ਨਹੀਂ ਪੈਂਦਾ ਸੀ, ਹੁਣ ਤਾਂ ਚਾਰ ਦਿਨਾਂ ਵਿਚ ਹੀ ਬਜਟ ਵਿਗੜ ਜਾਂਦਾ।
ਗੱਲ ਤਾਂ ਬੀਬੀ ਤੇਰੀ ਸੱਚੀ ਹੈ, ਆਹ ਦਸ ਤਰ੍ਹਾਂ ਦਾ ਤਾਂ ਦੁੱਧ ਵਿਚ ਮਿਲਾਉਣ ਵਾਲਾ ਪਾਊਡਰ ਜਿਹਾ ਦਿਖਾਈ ਜਾਣਗੇ। ਆਹ ਮੇਰੇ ਪੋਤਾ ਪੋਤੀ, ਇਕ ਕਹੂੰ, ਮੇਰੇ ਦੁੱਧ ਵਿਚ ਬੋਰਨਵੀਟਾ ਪਾਉ, ਦੂਜਾ ਕਹੂੰ ਮੈਂ ਤਾਂ ਹੋਰਲਿਕਸ ਵਾਲਾ ਪੀਊਂ। ਇਨ੍ਹਾਂ ਦੀਆਂ ਮਸ਼ਹੂਰੀਆਂ ਕਰਨ ਵਾਲੇ ਕਿਹੜਾ ਘੱਟ ਨੇ। ਕਿਸੇ ਬਾਰੇ ਕਹਿਣਗੇ, ਇਹਦੇ ਨਾਲ ਕੱਦ ਵਧਦਾ, ਕਿਸੇ ਨਾਲ ਦਿਮਾਗ ਤੇਜ਼ ਹੁੰਦਾ, ਕਿਸੇ ਨਾਲ ਕਹਿਣਗੇ ਬੱਚਾ ਤਾਕਤਵਰ ਬਣਦਾ। ਬੱਚੇ ਤਾਂ ਪਾਸੇ ਰਹੇ, ਉਨ੍ਹਾਂ ਦੇ ਮਾਂ ਬਾਪ ਵੀ ਇਨ੍ਹਾਂ ਦੀਆਂ ਮੋਮੋਠਗਣੀਆਂ ਵਿਚ ਆ ਜਾਂਦੇ ਹਨ। ਕੋਈ ਪੁੱਛਣ ਵਾਲਾ ਹੋਵੇ, ਜਦੋਂ ਸਾਡੇ ਵੇਲਿਆਂ ਵਿਚ ਜਵਾਕ ‘ਕੱਲਾ ਦੁੱਧ ਲੱਸੀ ਪੀਂਦੇ ਸਨ, ਹੁਣ ਦੇ ਬੱਚਿਆਂ ਨਾਲੋਂ ਤਾਕਤਵਰ ਕਿਉਂ ਹੁੰਦੇ ਸਨ।
ਹੱਸਦੀ ਹੱਸਦੀ ਪਾਲ ਆਪਣੀ ਗੱਲ ਸੁਣਾਉਣ ਲੱਗ ਪਈ, “ਛੁੱਟੀਆਂ ਵਿਚ ਅਸੀਂ ਪੰਜੇ ਭੈਣਾਂ ਆਪਣੇ ਆਪਣੇ ਬੱਚਿਆਂ ਨਾਲ ਪੇਕੇ ਘਰ ਪਹੁੰਚ ਗਈਆਂ। ਚਾਰ ਕੁੜੀਆਂ ਮੇਰੇ ਚਾਚੇ ਦੇ ਸਨ, ਉਹ ਵੀ ਆ ਗਈਆਂ। ਇੱਕ ਦਿਨ ਮੇਰਾ ਚਾਚਾ ਮੰਜਾ ਚੁੱਕੀ ਤ੍ਰਿਵੈਣੀ ਵਲ ਤੁਰਿਆ ਆਵੇ, ਮੇਰਾ ਭਰਾ ਜੋ ਸਾਡੇ ਸਾਰੀਆਂ ਨਾਲੋਂ ਛੋਟਾ ਸੀ, ਚਾਚੇ ਨੂੰ ਪੁੱਛਣ ਲੱਗ ਪਿਆ ਕਿ ਅੱਜ ਕਿਵੇਂ ਇਧਰ ਨੂੰ ਮੰਜਾ ਚੁੱਕੀ ਆਉਨਾ। ਚਾਚਾ ਕਹਿੰਦਾ, “ਸ਼ੇਰਾ, ਸਾਡੇ ਘਰ ਤਾਂ ਕੰਨ ਪਾਈ ਨਹੀਂ ਸੁਣਦੀ, ਮੈਂ ਕਿਹਾ, ਤ੍ਰਿਵੈਣੀ ਥੱਲੇ ਹੀ ਬਿੰਦ ਝਟ ਆਰਾਮ ਕਰ ਲੈਂਦਾ ਹਾਂ।”
“ਚਾਚਾ ਤੂੰ ਅਗਾਂਹ ਹੋ ਕੇ ਦੇਖ, ਸਾਡੇ ਘਰ ਤਾਂ ਆਪ ਮੇਲਾ ਲੱਗਿਐ।”
“ਸ਼ੇਰਾ, ਇਹ ਰੌਣਕਾਂ ਤਾਂ ਕਰਮਾਂ ਵਾਲਿਆਂ ਦੇ ਘਰੀਂ ਲੱਗਦੀਆਂ। ਧੀਆਂ ਆਹ ਛੁੱਟੀਆਂ ਦੇ ਚਾਰ ਦਿਨ ਸਭ ਨਾਲ ਮੇਲਾ ਗੇਲਾ ਕਰ ਜਾਂਦੀਆਂ।”
ਹੁਣ ਤਾਂ ਹੱਦ ਦੋ ਭੈਣ ਭਰਾ ਹੁੰਦੇ। ਅਗਾਂਹ ਤਾਂ ਇਕ ਦਾ ਹੀ ਰਿਵਾਜ ਆ ਗਿਆ ਹੈ। ਉਹ ਵੀ ਦੂਜੇ ਦੇਸ਼ਾਂ ਨੂੰ ਜਾਣ ਵਾਲੇ ਜਹਾਜ਼ ਵਿਚ ਚੜ੍ਹ, ਘਰ ਦੀਆਂ ਹੀ ਰੌਣਕਾਂ ਨਹੀਂ ਸਗੋਂ ਪੰਜਾਬ ਨੂੰ ਹੀ ਖ਼ਾਲੀ ਕਰੀ ਜਾ ਰਹੇ ਹਨ। ਕਿੱਥੋਂ ਭਾਲਾਂਗੇ ਮੇਲਾ ਲੱਗਣ ਵਾਲੀਆਂ ਉਹ ਰੌਣਕਾਂ ਅਤੇ ਮੋਹ ਭਿੱਜੇ ਅਪਣੱਤ ਭਰੇ ਰਿਸ਼ਤੇ!
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback