Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਚਿੜੀ ਵਿਚਾਰੀ ਕੀ ਕਰੇ!--ਜਗਦੀਸ਼ ਕੌਰ ਮਾਨ
ਘਰ ਦਾ ਮੁੱਖ ਦਰਵਾਜ਼ਾ ਹੀ ਘਰ ਦੀ ਤਰਸਯੋਗ ਹਾਲਤ ਬਿਆਨ ਕਰਦਾ ਸੀ। ਐਵੇਂ ਤਿੰਨ ਕੁ ਮੰਜਿਆਂ ਜੋਗਾ ਵਿਹੜਾ। ਵਿਹੜੇ ’ਚ ਖੜ੍ਹਾ ਜਾਮਣ ਦਾ ਦਰੱਖਤ ਤੇ ਨਲਕੇ ਕੋਲ ਆਪੇ ਉੱਗਿਆ ਤੂਤ ਦਾ ਦਰੱਖਤ। ਬਿਨਾਂ ਗਾਰੇ ਚੂਨੇ ਤੋਂ ਇੱਟਾਂ ਚਿਣ ਕੇ ਕੀਤੀ ਹੋਈ ਛੋਟੀ ਬੇਢੱਬੀ ਜਿਹੀ ਕੰਧ ਇਸ ਘਰ ਨੂੰ ਗੁਆਂਢੀਆਂ ਦੇ ਵਿਹੜੇ ਤੋਂ ਵੱਖ ਕਰਦੀ ਸੀ।
ਇਹ ਮਕਾਨ ਮੇਰੇ ਭਰਾ ਦੇ ਘਰ ਦੇ ਬਿਲਕੁਲ ਸਾਹਮਣੇ ਸੀ, ਪਰ ਮੈਂ ਕਦੇ ਉਸ ਵੱਲ ਧਿਆਨ ਨਹੀਂ ਸੀ ਦਿੱਤਾ। ਬੱਸ ਭਰਾ ਦੇ ਘਰ ਜਾਣਾ ਤੇ ਉੱਥੋਂ ਹੀ ਮੁੜ ਆਉਣਾ। ਇਕ ਦਿਨ ਅਸੀਂ ਨਣਦ-ਭਰਜਾਈ ਘਰੇਲੂ ਦੁੱਖ-ਸੁੱਖ ਕਰਨ ਵਿਚ ਮਗਨ ਸਾਂ ਕਿ ਮੇਰੀ ਭਾਬੀ ਦੇ ਫੋਨ ਦੀ ਘੰਟੀ ਵੱਜੀ। ਹੈਲੋ ਕਹਿਣ ’ਤੇ ਦੂਜੇ ਪਾਸਿਉਂ ਲੰਮੀ ਗੱਲਬਾਤ ਸ਼ੁਰੂ ਹੋ ਗਈ। ਉਹ ਲੰਮੀ ਕਾਲ ਮੇਰਾ ਸਮਾਂ ਚੁਰਾ ਰਹੀ ਸੀ। ਮੇਰੀ ਝੁੰਜਲਾਹਟ ਨੂੰ ਮਹਿਸੂਸ ਕਰਦਿਆਂ ਭਰਜਾਈ ਨੇ ਇਹ ਕਹਿ ਕੇ ਫੋਨ ਕੱਟ ਦਿੱਤਾ ਕਿ ਘਰ ਮਹਿਮਾਨ ਆਏ ਹੋਏ ਹਨ, ਬਾਕੀ ਗੱਲਾਂ ਆਪਾਂ ਫੇਰ ਕਰਾਂਗੇ।
ਮੇਰੇ ਪੁੱਛਣ ’ਤੇ ਭਰਜਾਈ ਨੇ ਦੱਸਿਆ, ‘‘ਆਪਣੀ ਸਾਹਮਣੇ ਵਾਲੀ ਗੁਆਂਢਣ ਦਾ ਫੋਨ ਸੀ। ਇਨ੍ਹਾਂ ਦਾ ਪਿੰਡ ਤੁਹਾਡੇ ਪਿੰਡ ਦੇ ਨੇੜੇ ਹੀ ਹੈ। ਵਿਚਾਰਿਆਂ ਨੇ ਮਸਾਂ ਇਹ ਸੌ ਕੁ ਗਜ਼ ਦਾ ਪਲਾਟ ਲੈ ਕੇ ਸਿਰ ਢਕਣ ਜੋਗੀ ਛੱਤ ਪਾਈ ਸੀ। ਅਖੇ, ਸ਼ਹਿਰ ਵਿਚ ਨਾਲੇ ਤਾਂ ਨਿਆਣੇ ਪੜ੍ਹ ਜਾਣਗੇ ਤੇ ਨਾਲੇ ਨਸ਼ਿਆਂ ਤੋਂ ਬਚੇ ਰਹਿਣਗੇ। ਸਾਰੇ ਬੱਚੇ ਪੜ੍ਹਾਈ ਵਿਚ ਹੁਸ਼ਿਆਰ ਹਨ। ਵੱਡੇ ਮੁੰਡੇ ਨੇ ਪਿਛਲੇ ਸਾਲ ਬਾਰ੍ਹਵੀਂ ਬਹੁਤ ਵਧੀਆ ਨੰਬਰ ਲੈ ਕੇ ਪਾਸ ਕਰ ਲਈ ਸੀ ਤੇ ਆਈਲੈਟਸ ਕਰਨ ਦੀ ਜ਼ਿੱਦ ਕਰਨ ਲੱਗਿਆ। ਇਹਨੇ ਔਖੀ ਸੌਖੀ ਨੇ ਆਈਲੈਟਸ ਕਰਾ ਦਿੱਤੀ। ਮੁੰਡੇ ਦੇ ਕੈਨੇਡਾ ਪਹੁੰਚਣ ਦੀ ਸ਼ਰਤ ਜੋਗੇ ਬੈਂਡ ਆ ਗਏ। ਘਰ ਵਿਚ ਅਤਿ ਦੀ ਤੰਗੀ ਸੀ। ਵਿਚਾਰੀ ਵਿਧਵਾ ਔਰਤ ਨੇ ਕੋਈ ਰਿਸ਼ਤੇਦਾਰੀ ਨਹੀਂ ਛੱਡੀ ਜਿੱਥੋਂ ਪੈਸੇ ਉਧਾਰ ਨਾ ਲਏ ਹੋਣ। ਔਖੀ ਸੌਖੀ ਨੇ ਮੁੰਡਾ ਕੈਨੇਡਾ ਤੋਰ ਦਿੱਤਾ। ਅਜੇ ਮੁੰਡੇ ਗਏ ਨੂੰ ਦੋ ਮਹੀਨੇ ਵੀ ਨਹੀਂ ਹੋਏ ਕਿ ਦੂਜੇ ਸਮੈਸਟਰ ਦੀ ਫੀਸ ਭਰਨ ਦਾ ਸੁਨੇਹਾ ਆ ਗਿਆ। ਮਾਂ ਦੇ ਸਾਹ ਸੂਤੇ ਪਏ ਹਨ। ਕਿਤੇ ਵੀ ਹੱਥ ਨਾ ਪੈਂਦਾ ਦੇਖ ਕੇ ਉਸ ਨੇ ਇਹ ਮਕਾਨ ਵੇਚਣ ਦੀ ਸੋਚ ਲਈ। ਆਪ ਉਹ ਨਿਆਣੇ ਲੈ ਕੇ ਪਿੰਡ ਵਾਲੇ ਘਰ ਚਲੀ ਗਈ ਹੈ। ਚਾਬੀ ਮੈਨੂੰ ਫੜਾ ਗਈ ਸੀ ਕਿ ਭੈਣ ਜੇ ਕੋਈ ਗਾਹਕ ਆਵੇ ਤਾਂ ਜਿੰਦਾ ਖੋਲ੍ਹ ਕੇ ਮਕਾਨ ਵਿਖਾ ਦਿਆ ਕਰੀਂ। ਹੁਣ ਇਸੇ ਬਾਰੇ ਉਸ ਦਾ ਫੋਨ ਆਇਆ ਸੀ। ਫੋਨ ਤਾਂ ਉਹ ਰੋਜ਼ ਹੀ ਕਰਦੀ ਐ। ਏਧਰ ਮਕਾਨ ਨਹੀਂ ਵਿਕਦਾ ਤੇ ਉਧਰੋਂ ਮੁੰਡੇ ਦੇ ਫੀਸ ਭਰਨ ਬਾਬਤ ਰੋਜ਼ ਫੋਨ ਆਉਂਦੇ ਨੇ।’’
‘‘ਮਕਾਨ ਦੇ ਕਿੰਨੇ ਕੁ ਪੈਸੇ ਮੰਗਦੀ ਹੈ?’’ ਮੇਰੇ ਪੁੱਛਣ ’ਤੇ ਭਾਬੀ ਨੇ ਦੱਸਿਆ, ‘‘ਉਹ ਤਾਂ ਪੰਜ ਲੱਖ ਮੰਗਦੀ ਏ, ਪਰ ਜਾਇਦਾਦ ਦੇ ਭਾਅ ਲਗਾਤਾਰ ਡਿੱਗ ਰਹੇ ਨੇ। ਸਾਢੇ ਚਾਰ ਲੱਖ ਦੇ ਇਕ ਦੋ ਗਾਹਕ ਆਏ ਸਨ। ਬੱਸ ਦੇਖ ਕੇ ਹੀ ਮੁੜ ਗਏ। ਹੁਣ ਸਾਡੇ ਘਰਾਂ ਕੋਲ ਟਰੀਟਮੈਂਟ ਪਲਾਂਟ ਬਣ ਰਿਹਾ ਹੈ, ਇਸ ਲਈ ਕੀਮਤਾਂ ਹੋਰ ਥੱਲੇ ਚਲੀਆਂ ਗਈਆਂ ਹਨ। ਹੁਣ ਤਾਂ ਤਿੰਨ ਲੱਖ ਦੇ ਗਾਹਕ ਹੀ ਆਉਂਦੇ ਹਨ। ਉਧਰੋਂ ਮੁੰਡੇ ਦੀ ਫੀਸ ਚਾਰ ਲੱਖ ਭਰਨੀ ਹੈ, ਵਿਚਾਰੀ ਬਹੁਤ ਫ਼ਿਕਰਮੰਦ ਹੈ।’’
ਭਾਬੀ ਅੱਗੋਂ ਬੋਲੀ, ‘‘ਉਹ ਮੈਨੂੰ ਕਹਿ ਕੇ ਗਈ ਸੀ ਕਿ ਤੂਤ ਤੇ ਜਾਮਣ ਨੂੰ ਪਾਣੀ ਪਾ ਦਿਆਂ ਕਰੀਂ। ਚੱਲ ਆ! ਆਪਾਂ ਦੋ ਬਾਲਟੀਆਂ ਪਾਣੀ ਦੀਆਂ ਪਾ ਆਈਏ।’’ ਅਸੀਂ ਪਹਿਲਾਂ ਪਾਣੀ ਪਾ ਕੇ ਨਲਕੇ ਦਾ ਉਤਰਿਆ ਹੋਇਆ ਪਾਣੀ ਚੜ੍ਹਾਇਆ। ਜ਼ੋਰ ਜ਼ੋਰ ਨਾਲ ਪੰਪ ਗੇੜ ਕੇ ਪਾਣੀ ਚਾਲੂ ਕੀਤਾ। ਨਲਕਾ ਬੜਾ ਸੋਹਣਾ ਚੱਲ ਪਿਆ। ਦੋਵੇਂ ਦਰੱਖਤਾਂ ਨੂੰ ਦੋ ਦੋ ਬਾਲਟੀਆਂ ਪਾਣੀ ਦੀਆਂ ਪਾ ਕੇ ਅਸੀਂ ਘਰ ਪਹੁੰਚ ਗਈਆਂ, ਪਰ ਮੇਰੇ ਜ਼ਿਹਨ ਵਿਚ ਉਸ ਗੁਆਂਢਣ ਔਰਤ ਦੀ ਮਜਬੂਰੀ ਘੁੰਮਦੀ ਰਹੀ।
ਮਹੀਨੇ ਕੁ ਬਾਅਦ ਫਿਰ ਭਰਾ ਦੇ ਘਰ ਜਾਣ ਦਾ ਸਬੱਬ ਬਣ ਗਿਆ। ਮੈਂ ਮਕਾਨ ਵਿਕਣ ਬਾਰੇ ਪੁੱਛਿਆ ਤਾਂ ਭਾਬੀ ਨੇ ਦੱਸਿਆ, ‘‘ਭੈਣੇ! ਗਰੀਬਣੀ ਦੀ ਰੱਬ ਨੇ ਸੁਣ ਲਈ ਹੈ। ਇਹ ਮਕਾਨ ਨਾਲ ਦੇ ਗੁਆਂਢੀਆਂ ਨੇ ਹੀ ਖਰੀਦ ਲਿਆ। ਸੋਚਦੇ ਹੋਣਗੇ, ਖੌਰੇ ਕਿਹੋ ਜਿਹੇ ਬੰਦੇ ਨੇ ਖਰੀਦਣਾ ਹੈ, ਕਿਹੋ ਜਿਹਾ ਗੁਆਂਢ ਆਵੇ। ਇਸ ਨਾਲੋਂ ਤਾਂ ਚਾਰ ਪੈਸੇ ਵੱਧ ਖਰਚੇ ਹੀ ਚੰਗੇ ਰਹਿਣਗੇ। ਉਨ੍ਹਾਂ ਨੇ ਸਾਢੇ ਚਾਰ ਲੱਖ ’ਚ ਖਰੀਦ ਲਿਆ। ਜੁਆਕ ਦੀ ਫੀਸ ਦਾ ਪ੍ਰਬੰਧ ਹੋ ਗਿਆ। ਬੱਸ ਏਨਾ ਹੀ ਬਹੁਤ ਹੈ ਕਿ ਹਾਲ ਦੀ ਘੜੀ ਕੰਮ ਸਰ ਗਿਆ। ਫੇਰ ਦੀ ਫੇਰ ਦੇਖੀ ਜਾਊ।’’
ਮੈਂ ਮਨ ’ਚ ਹਿਸਾਬ ਕਿਤਾਬ ਲਾਉਣ ਲੱਗੀ ਕਿ ਇਹ ਤਾਂ ਦੂਜੇ ਸਮੈਸਟਰ ਦੀ ਫੀਸ ਹੈ ਤੇ ਦੋ ਸਮੈਸਟਰ ਅਜੇ ਹੋਰ ਪਏ ਹਨ। ਉਸ ਕੋਲ ਤਾਂ ਕੋਈ ਹੋਰ ਜਾਇਦਾਦ ਵੀ ਨਹੀਂ। ਕੀ ਕਰੇਗੀ ਵਿਚਾਰੀ! ਉਹਨੇ ਕਾਹਨੂੰ ਅੱਡੀਆਂ ਚੁੱਕ ਕੇ ਫਾਹਾ ਲੈਣਾ ਸੀ? ਉਹਨੇ ਕਾਹਨੂੰ ਮੁੰਡਾ ਕੈਨੇਡਾ ਭੇਜਣਾ ਸੀ! ਇਨਸਾਨ ਨੂੰ ਆਪਣੀ ਪਰੋਖੋਂ ਦਾ ਪਤਾ ਹੀ ਹੁੰਦਾ ਹੈ। ਪਰ ਦੂਜੇ ਹੀ ਪਲ ਦਿਮਾਗ਼ ਨੇ ਮਨ ਨੂੰ ਲਾਹਣਤ ਭੇਜੀ, ਹੋਰ ਕੀ ਕਰਦੀ ਵਿਚਾਰੀ? ਇੱਥੇ ਕਿਹੜਾ ਪੜ੍ਹੇ-ਲਿਖੇ ਨੌਜਵਾਨਾਂ ਨੂੰ ਸਰਕਾਰ ਨੌਕਰੀਆਂ ਦਿੰਦੀ ਹੈ? ਨਹੀਂ ਤਾਂ ਕਿਸ ਦਾ ਦਿਲ ਕਰਦਾ ਹੈ ਨਿਆਣਿਆਂ ਨੂੰ ਘਰੋਂ ਕੱਢਣ ਨੂੰ? ਮਜ਼ਬੂਰ ਹੋਏ ਮਾਪਿਆਂ ਨੇ ਬੱਚਿਆਂ ਨੂੰ ਸੈੱਟ ਕਰਨ ਲਈ ਕੋਈ ਖੂਹ ਤਾਂ ਪੁੱਟਣਾ ਹੀ ਹੋਇਆ।
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback