Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਗੈਰੋਂ ਪੇ ਕਰਮ, ਆਪਣੋਂ ਪੇ ਸਿਤਮ..!--ਅੱਬਾਸ ਧਾਲੀਵਾਲ
ਅੱਜ ਕੱਲ੍ਹ ਮੀਡੀਆ ਵਿਸ਼ੇਸ਼ ਕਰ ਸੋਸ਼ਲ ਸਾਈਟਾਂ ਤੇ ਗੁਜਰਾਤ ਵਿਖੇ ਬਣ ਰਹੀ ਇਕ ਦੀਵਾਰ ਖੂਬ ਚਰਚਾਵਾਂ ਬਟੋਰ ਰਹੀ ਹੈ। ਵੈਸੇ ਜਦੋਂ ਕਦੀ ਦੁਨੀਆ ਚ' ਦੀਵਾਰਾਂ ਦੀ ਗੱਲ ਚਲਦੀ ਹੈ ਤਾਂ ਚੀਨ ਦੀ ਕੰਧ ਦਾ ਵਿਸ਼ੇਸ਼ ਉਲੇਖ ਹੁੰਦਾ ਹੈ। ਉਤਰ ਪੂਰਬ ਤੋਂ ਲੈਕੇ ਪੱਛਮ ਤੱਕ ਮਾਰੂ ਥਲਾਂ, ਚਰਾਂਦਾਂ, ਪਹਾੜਾਂ ਅਤੇ ਪਠਾਰਾਂ ਵਿੱਚੋਂ ਦੀ ਸੱਪ ਵਾਂਗੂੰ ਮੇਲਦੀ ਜਾਂਦੀ ਇਹ ਚੀਨੀ ਦੀਵਾਰ ਆਪਣੇ ਆਪ ਚ' ਪਤਾ ਨਹੀਂ ਕਿੰਨੀਆਂ ਕੁ ਅਣ ਕਹੀਆਂ ਇਤਿਹਾਸਕ ਤੇ ਮਿਥਿਹਾਸਕ ਕਹਾਣੀਆਂ ਲੁਕਾਈ ਬੈਠੀ ਹੈ । ਕਰੀਬ 4000 ਮੀਲ ( 6700 ਕਿਲੋਮੀਟਰ) ਲੰਮੀ ਦੀਵਾਰ ਇਸ ਕੰਧ ਨੂੰ ਵਿਸ਼ਵ ਦੀ ਸਭ ਤੋਂ ਵੱਧ ਵੱਡੀ ਦੀਵਾਰ ਹੋਣ ਦਾ ਮਾਣ ਪ੍ਰਾਪਤ ਹੈ। ਕਹਿੰਦੇ ਹਨ ਇਹ ਦੀਵਾਰ ਚੀਨ ਨੇ ਆਪਣੇ ਦੇਸ਼ ਨੂੰ ਮੰਗੋਲ ਹਮਲਾਵਰਾਂ ਤੋਂ ਮਹਿਫੂਜ ਰੱਖਣ ਲਈ ਬਣਾਈ ਸੀ।
ਪਰ ਅਫਸੋਸ ਜਿਸ ਦੀਵਾਰ ਦੀ ਉਸਾਰੀ ਦੀ ਚਰਚਾ ਅੱਜ ਜੋਰਾਂ ਤੇ ਹੈ ਉਸਦਾ ਮਕਸਦ ਦੇਸ਼ ਵਾਸੀਆਂ ਨੂੰ ਕਿਸੇ ਬਾਹਰੀ ਹਮਲੇ ਤੋਂ ਬਚਾਉਣਾ ਨਹੀਂ ਹੈ , ਬਲਕਿ ਅਪਣੇ ਲੋਕਾਂ ਦੀ ਗਰੀਬੀ ਨੂੰ ਛੁਪਾਉਣ ਦੀ ਨਾਕਾਮ ਕੋਸ਼ਿਸ਼ ਹੈ।
ਇਹ ਦੀਵਾਰ ਦਰਅਸਲ ਅਮਰੀਕੀ ਰਾਸ਼ਟਰਪਤੀ ਦੀ ਭਾਰਤ ਆਮਦ ਦੇ ਮੱਦੇਨਜ਼ਰ ਬਣਾਈ ਜਾ ਰਹੀ ਹੈ। ਇਥੇ ਦੱਸ ਦੇਈਏ ਕਿ ਆਗਾਮੀ ਦਿਨਾਂ ਭਾਵ 24 ਅਤੇ 25 ਫਰਵਰੀ ਨੂੰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਆਪਣੇ ਦੋ ਦਿਨਾਂ ਦੌਰੇ ਤੇ ਭਾਰਤ ਆ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਤਿੰਨ ਕੁ ਘੰਟੇ ਗੁਜਰਾਤ ਵਿੱਚ ਗੁਜ਼ਾਰਨੇ ਹਨ। ਇਸ ਏਅਰਪੋਰਟ ਤੋਂ ਸਟੇਡੀਅਮ ਦੇ ਜਿਸ ਰਸਤੇ ਤੋਂ ਅਮਰੀਕੀ ਰਾਸ਼ਟਰਪਤੀ ਦਾ ਕਾਫਲਾ ਲੰਘਣਾ ਹੈ। ਉਸ ਰਸਤੇ ਦੇ ਕਿਨਾਰੇ ਕੁਝ ਗਰੀਬ ਝੁੱਗੀਆਂ ਵਾਲੇ ਆਬਾਦ ਹਨ। ਸਾਡੇ ਪ੍ਰਧਾਨ ਮੰਤਰੀ ਨਹੀਂ ਚਾਹੁੰਦੇ ਕਿ ਡੋਨਾਲਡ ਟਰੰਪ ਦੀ ਨਿਗਾਹ ਗਰੀਬਾਂ ਦੀਆਂ ਝੁੱਗੀਆਂ ਤੇ ਪਵੇ ਤੇ ਸਾਡੇ ਦੇਸ਼ ਦਾ ਮਜਾਕ ਉਡੇ। ਇਸ ਲਈ ਉਨ੍ਹਾਂ ਝੋਪੜੀਆਂ ਨੂੰ ਲੁਕਾਉਣ ਲਈ ਇਕ ਦੀਵਾਰ ਉਸਾਰੀ ਅਤੇ ਉਸ ਦੀਵਾਰ ਤੇ ਡੋਨਾਲਡ ਟਰੰਪ ਅਤੇ ਪ੍ਧਾਨਮੰਤਰੀ ਮੋੋਦੀ ਦੀਆਂ ਤਸਵੀਰਾਂ ਦੀ ਪੈਂਨਟਿੰਗ ਦਾ ਕੰੰਮ ਇਨੀ ਦਿਨੀਂ ਜੰਗੀ ਪੱਧਰ ਤੇ ਚਲ ਰਿਹਾ ਹੈ। ਇਕ ਰਿਪੋਰਟ ਮੁਤਾਬਿਕ ਇਸ ਦੀਵਾਰ ਉਸਾਰੀ ਤੇ ਲੱਗਭਗ ਸੌ ਕਰੋੜ ਖਰਚਾ ਆਉਣ ਦਾ ਅਨੁਮਾਨ ਹੈ। ਤਿੰਨ ਘੰਟਿਆਂ ਦੀ ਫੇਰੀ ਤੇ ਆਉਣ ਵਾਲੇ ਰਾਸ਼ਟਰਪਤੀ ਤੋਂ ਆਪਣੇ ਲੋਕਾਂ ਦੀ ਗਰੀਬੀ ਛੁਪਾਉਣ ਲਈ ਸੌ ਕਰੋੜ ਦੀ ਭਾਰੀ ਭਰਕਮ ਰਕਮ ਨੂੰ ਇਕ ਦੀਵਾਰ ਤੇ ਖਰਚ ਕਰਨਾ ਅਸੀਂ ਸਮਝਦੇ ਹਾਂ ਕਿ ਕਿਸੇ ਤਰ੍ਹਾਂ ਵੀ ਦਰੁਸਤ ਨਹੀਂ ਜਾਪਦਾ ਅਤੇ ਨਾ ਹੀ ਕੋਈ ਬੁਧੀਜੀਵੀ ਇਸ ਨੂੰ ਜਾਇਜ਼ ਠਹਿਰਾ ਸਕਦਾ ਹੈ । ਕਿਸੇ ਮਹਿਮਾਨ ਲਈ ਗਰੀਬ ਲੋਕਾਂ ਦੇ ਘਰਾਂ ਸਾਹਮਣੇ ਦੀਵਾਰ ਬਣਾ ਕੇ ਉਨ੍ਹਾਂ ਦੀ ਧੁੱਪ ਦੇ ਵਿੱਚ ਅਡਿੱਕਾ ਬਨਣਾ ਕਦਾਚਿਤ ਜਾਇਜ਼ ਨਹੀਂ ਹੈ।
ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਕੀ ਇਸ ਦੀਵਾਰ ਦੇ ਬਨਣ ਨਾਲ ਸਾਡੀ ਗਰੀਬੀ ਸਚਮੁੱਚ ਛੁੱਪ ਜਾਏਗੀ? ਸ਼ਾਇਦ ਇਹ ਕਦੀ ਸੰਭਵ ਨਹੀਂ। ਇੰਟਰਨੈੱਟ ਦੇ ਇਸ ਯੁੱਗ ਵਿੱਚ ਕੀ ਕਿਸੇ ਜਮੀਨ ਦੇ ਹਿੱਸੇ ਨੂੰ ਲੁਕੋਇਆ ਜਾ ਸਕਦਾ ਹੈ ? ਇਸ ਜਵਾਬ ਵੀ ਮਨਫੀ ਹੀ ਹੈ । ਫਿਰ ਸਮਝ ਤੋਂ ਬਾਹਰ ਹੈ ਕਿ ਆਖਿਰ ਕਿਉਂ ਅਸੀਂ ਆਪਣੇ ਦੇਸ਼ ਦਾ ਦੁਨੀਆ ਚ ' ਮਜਾਕ ਉਡਾਉਣ ਲਈ ਤਤਪਰ ਹਾਂ । ਜਿਸ ਅਮਰੀਕੀ ਰਾਸ਼ਟਰਪਤੀ ਨੇ ਭਾਰਤ ਵਿੱਚ ਆਉਣਾ ਹੈ ਅਸੀਂ ਭਲੀਭਾਂਤੀ ਜਾਣਦੇ ਹਾਂ ਕਿ ਉਸ ਦੇਸ਼ ਦੇ ਸੈਟੇਲਾਈਟ ਆਖਰੀ ਪਲਾਂ ਤੱਕ ਉਸ ਦੇ ਕਾਫਲੇ ਦੀ ਨਿਗਰਾਨੀ ਕਰਨਗੇ ਕਿ ਉਹ ਕਿਥੇ ਤੇ ਕਿਸ ਰਸਤੇ ਜਾਂਦੇ ਹਨ ।
ਅੱਜ ਜੋ ਦੀਵਾਰ ਗਰੀਬਾਂ ਦੀਆਂ ਝੁੱਗੀਆਂ ਨੂੰ ਛੁਪਾਉਣ ਲਈ ਬਣਾਈ ਜਾ ਰਹੀ ਹੈ ਉਹ ਸਾਡੀ ਖਾਮ-ਖਿਆਲੀ ਤੇ ਖੁਦ ਨੂੰ ਭੁਲੇਖੇ ਵਿੱਚ ਪਾਉਣ ਤੋਂ ਇਲਾਵਾ ਕੁੱਝ ਨਹੀਂ । ਅਸੀਂ ਸਮਝਦੇ ਹਾਂ ਕਿ ਅਜਿਹੇ ਭੁਲੇਖਿਆਂ ਨਾਲ ਅਸੀਂ ਆਪਣੇ ਦੇਸ਼ ਦੇ ਲੋਕਾਂ ਨੂੰ ਭਾਵੇਂ ਭਰਮਾਂ ਲਈਏ। ਪਰ ਕਿਸੇ ਵਿਕਸਿਤ ਦੇਸ਼ ਨੂੰ ਹਨੇਰੇ ਵਿੱਚ ਨਹੀਂ ਰੱਖ ਸਕਦੇ। ਨਾਲੇ ਹੁਣ ਤੱਕ ਤਾਂ ਦੀਵਾਰ ਉਸਾਰੀ ਨੂੰ ਲੈ ਕੇ ਮੀਡੀਆ ਦੀਆਂ ਉਕਤ ਰਿਪੋਰਟਾਂ ਆਉਣ ਵਾਲੇ ਮਹਿਮਾਨ ਤੱਕ ਕਦੋਂ ਦੀਆਂ ਪਹੁੰਚ ਚੁੱਕੀਆਂ ਹੋਣਗੀਆਂ।
ਅਸੀਂ ਸਮਝਦੇ ਹਾਂ ਚੰਗਾ ਹੁੰਦਾ ਕਿ ਸਰਕਾਰ ਉਕਤ ਦੀਵਾਰ ਦੀ ਬਜਾਏ ਉਸ ਸਲੰਮ ਏਰੀਆ ਦੇ ਗਰੀਬ ਝੁਗੀਆਂ ਵਾਲਿਆਂ ਲਈ ਪੱਕੇ ਘਰਾਂ ਦੀ ਇਕ ਕਾਲੋਨੀ ਬਣਵਾ ਦਿੰਦੀ ਤੇ ਆਉਣ ਵਾਲੇ ਮਹਿਮਾਨ ਨੂੰ ਆਖਦੀ ਕਿ ਵੇਖੋ ਜੀ ਅਸੀਂ ਤੁਹਾਡੇ ਆਉਣ ਦੀ ਖੁਸ਼ੀ ਵਿਚ ਜਰੂਰਤ ਮੰਦਾਂ ਨੂੰ ਪੱਕੇ ਇਹ ਘਰ ਬਣਵਾ ਕੇ ਦਿੱਤੇ ਨੇ, ਜਾਂ ਫਿਰ ਕੋਈ ਇੰਡਸਟਰੀ ਲਗਵਾ ਦਿੱਤੀ ਜਾਂਦੀ ਜਿਸ ਵਿਚ ਉਕਤ ਝੁੱਗੀਆਂ ਵਾਲਿਆਂ ਨੂੰ ਰੁਜ਼ਗਾਰ ਮੁਹੱਈਆ ਕਰਵਾਇਆ ਜਾਂਦਾ। ਯਕੀਨਨ ਅਜਿਹਾ ਕਰਨ ਨਾਲ ਪੂਰੀ ਦੁਨੀਆ ਵਿੱਚ ਸਾਡੇ ਸਾਕਾਰਾਤਮਕ ਉਪਰਾਲਿਆਂ ਦੀ ਸ਼ਲਾਘਾ ਹੋਣੀ ਸੀ ਅਤੇ ਗਰੀਬ ਝੋਪੜੀਆਂ ਵਾਲੇ ਲੋਕਾਂ ਦੀਆਂ ਆਂਦਰਾਂ ਤੱਕ ਨੇ ਸਰਕਾਰ ਨੂੰ ਦੁਆਵਾਂ ਦੇਣੀਆਂ ਸਨ... ਤੇ ਜਦੋਂ ਕਿਸੇ ਭੁੱਖੇ ਤੇ ਗਰੀਬ ਦੀ ਦੁਆ ਕਿਸੇ ਆਦਮੀ ਜਾਂ ਮੁਲਕ ਲੱਗ ਜਾਏ ਤਾਂ ਯਕੀਨਨ ਬਿਗੜੀਆਂ ਤਕਦੀਰਾਂ ਬਣਦਿਆਂ ਦੇਰ ਨਹੀਂ ਲੱਗਦੀ।
ਅੱਬਾਸ ਧਾਲੀਵਾਲ,
ਮਾਲੇਰਕੋਟਲਾ।
ਸੰਪਰਕ. 9855259650
abbasdhaliwal72@gmail.com
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback