Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
... ਤੇ ਅਸੀਂ ਵਹਿਮਾਂ ਤੋਂ ਬਚ ਗਏ - ਸੁਰਜੀਤ ਭਗਤ
ਅੱਧੀ ਰਾਤ ਲੰਘ ਚੱਲੀ ਸੀ ਪਰ ਟੱਬਰ ਦੇ ਕਿਸੇ ਵੀ ਜੀਅ ਨੂੰ ਨੀਂਦ ਨਹੀਂ ਸੀ ਆ ਰਹੀ। ਸਾਰੇ ਇਕ ਦੂਜੇ ਤੋਂ ਵੱਧ ਫ਼ਿਕਰਮੰਦ ਸਨ। ਦਿਨ ਵਿਚ ਕਈ ਵਾਰੀ ਇਕ ਹੀ ਸਵਾਲ ਪੁੱਛ ਪੁੱਛ ਹਾਰੀ ਪਤਨੀ ਨੇ ਇਕ ਵਾਰੀ ਫਿਰ ਚੁੱਪ ਤੋੜੀ, “ਜੀ ਕੋਈ ਗੱਲ ਆਉਂਦੀ ਸਮਝ ‘ਚ?”
ਇਕੋ ਹੀ ਸਵਾਲ ਕਈ ਵਾਰੀ ਸੁਣ ਸੁਣ ਕੇ ਮੇਰੇ ਵੀ ਕੰਨ ਪੱਕ ਚੁੱਕੇ ਸਨ, ਇਸ ਲਈ ਇਕ ਤਰ੍ਹਾਂ ਨਾਲ ਕੁੱਦ ਕੇ ਹੀ ਪੈ ਗਿਆ, “ਮੈਨੂੰ ਨ੍ਹੀਂ ਇਨ੍ਹਾਂ ਗੱਲਾਂ ਤੇ ਬਿਲਕੁਲ ਵੀ ਵਿਸ਼ਵਾਸ ।” ਇਹ ਕਹਿ ਕੇ ਮੈਂ ਗੱਲ ਸਮੇਟਣ ਅਤੇ ਸੌਣ ਦੀ ਕੋਸ਼ਿਸ਼ ‘ਚ ਸਾਂ ਪਰ ਉਸ ਦਾ ਸਵਾਲ ਵੀ ਤਾਂ ਜਾਇਜ਼ ਸੀ। ਉਪਰਲੇ ਕਮਰੇ ‘ਚ ਬੰਦ ਪਈ ਅਲਮਾਰੀ ‘ਚ ਪਏ, ਦਸਵੀਂ ਵਿਚ ਪੜ੍ਹਦੀ ਧੀ ਦੇ ਨਵੇਂ ਨਕੋਰ ਸੂਟ ਨੂੰ ਕੱਟ ਕਿਸ ਤਰ੍ਹਾਂ ਲੱਗ ਸਕਦੇ ਹਨ? ਖਾਸ ਕਰ, ਕਈ ਬਟਨ ਤਾਂ ਬੜੀ ਬੇਦਰਦੀ ਨਾਲ ਸੂਟ ਨਾਲੋਂ ਕੱਟ ਕੇ ਹੀ ਲਾਹੇ ਗਏ ਜਾਪਦੇ ਸਨ। ਦੋ ਮਹੀਨੇ ਹੱਥ ਨਾਲ ਕਢਾਈ ਕਰਕੇ ਸਖ਼ਤ ਮਿਹਨਤ ਨਾਲ ਤਿਆਰ ਕੀਤੇ ਸੂਟ ਦੀ ਇਹ ਹਾਲਤ ਵੇਖ ਕੇ ਧੀ ਵੀ ਰੋਣਹਾਕੀ ਹੋਈ ਫਿਰਦੀ ਸੀ। ਉਪਰੋਂ ਦੀਵਾਲੀ ਦੇ ਦਿਨ ਸਨ। ਕਹਿੰਦੇ, ਇਨ੍ਹਾਂ ਦਿਨਾਂ ‘ਚ ਜਾਦੂ ਟੂਣੇ ਵਾਲੇ ਕਾਫੀ ਸਰਗਰਮ ਹੁੰਦੇ ਹਨ। ਅਜਿਹੀ ਘਟਨਾ ਕਿਸੇ ਅਣਹੋਣੀ ਦੀ ਪੇਸ਼ਗੀ ਨਿਸ਼ਾਨੀ ਹੋ ਸਕਦੀ ਹੈ। ਹੋ ਸਕਦਾ, ਇਹ ਕਿਸੇ ਦੋਖੀ ਦਾ ਕੀਤਾ ਕਰਾਇਆ ਹੀ ਹੋਵੇ? ਪਤਨੀ ਨੂੰ ਇਹ ਗੱਲ ਵੀ ਵੱਢ ਵੱਢ ਖਾ ਰਹੀ ਸੀ।
ਗੱਲ ਇਹ ਵੀ ਵਜ਼ਨਦਾਰ ਸੀ ਕਿ ਉਪਰਲੇ ਕਮਰੇ ‘ਚ ਜਾਣ ਲਈ ਸਿਰਫ ਇਕ ਹੀ ਪੌੜੀ ਚੜ੍ਹਦੀ ਸੀ ਜੋ ਰਸੋਈ ਕੋਲ ਹੀ ਸੀ। ਉਪਰ ਜਾਣ ਵਾਲਾ ਕੋਈ ਵੀ ਸ਼ਖ਼ਸ ਸਿਰਫ ਇਸੇ ਰਸਤੇ ਹੀ ਆ ਜਾ ਸਕਦਾ ਸੀ।
“ਜੇ ਕੋਈ ਆਇਆ ਹੀ ਨਹੀਂ ਤਾਂ ਫਿਰ ਨਵੀਂ ਕਮੀਜ਼ ਥਾਂ ਥਾਂ ਤੋਂ ਕਿੱਦਾਂ ਕੱਟੀ ਗਈ?” ਪਤਨੀ ਨੂੰ ਚੈਨ ਨਹੀਂ ਸੀ ਆ ਰਿਹਾ।
“ਕੋਈ ਚੂਹਾ ਕੁਤਰ ਗਿਆ ਹੋਵੇਗਾ।” ਮੈਂ ਗੱਲ ਦਬਾਉਣ ਦੇ ਮਨਸ਼ੇ ਨਾਲ ਆਖ਼ਿਰੀ ਪੱਤਾ ਖੇਡਿਆ।
“ਫਿਰ ਕੁਤਰੇ ਹੋਏ ਕੱਪੜੇ ਦੇ ਟੁਕੜੇ ਜਾਂ ਧਾਗੇ ਕਿੱਧਰ ਗਏ?” ਪਤਨੀ ਨੇ ਵਕੀਲਾਂ ਵਾਂਗ ਕ੍ਰਾਸ ਮਾਰਿਆ। ਮੈਨੂੰ ਕੋਈ ਜਵਾਬ ਨਹੀਂ ਸੀ ਓਹੜ ਰਿਹਾ।
“ਚੱਲ ਛੱਡ ਯਾਰ, ਹੁਣ ਸੌ ਜਾਓ”, ਕਹਿ ਕੇ ਮੈਂ ਇਕ ਤਰ੍ਹਾਂ ਨਾਲ ਹਥਿਆਰ ਸੁੱਟ ਦਿੱਤੇ ਸਨ। ਢਾਈ ਤਿੰਨ ਘੰਟੇ ਤੋਂ ਘਰ ਦੀ ਉਪਰਲੀ ਛੱਤ ਤੇ ਡੱਠੇ ਮੰਜਿਆਂ ਉੱਤੇ ਪਿਆ ਸਾਰਾ ਟੱਬਰ ਇਹੀ ਮਗ਼ਜ਼ ਖਪਾਈ ਕਰ ਰਿਹਾ ਸੀ। ਸਾਰੇ ਸਮੇਂ ਦੌਰਾਨ ਪੰਜਵੀਂ ‘ਚ ਪੜ੍ਹਦਾ ਸਾਡਾ ਮੁੰਡਾ ਬੇਚੈਨ ਜਿਹਾ ਲੱਗ ਰਿਹਾ ਸੀ। ਕਦੇ ਉਹ ਕਿਸੇ ਬਹਾਨੇ ਅੰਦਰਲੇ ਕਮਰੇ ‘ਚੋਂ ਬਾਹਰ ਆਉਂਦਾ, ਕਦੇ ਕਿਸੇ ਬਹਾਨੇ ਬਾਹਰ ਗੇੜਾ ਕੱਢ ਜਾਂਦਾ। ਮੈਂ ਸੌਣ ਲੱਗਿਆਂ ਵੈਸੇ ਹੀ ਪਾਣੀ ਪੀਣ ਦੀ ਗੱਲ ਕੀਤੀ ਤਾਂ ਉਹ ਝੱਟ ਹੀ ਹੇਠਾਂ ਪਾਣੀ ਲੈਣ ਜਾਣ ਲਈ ਤਿਆਰ ਹੋ ਗਿਆ। ਮੈਂ ਹੈਰਾਨ, ਦਿਨੇ ਹਰ ਕੰਮ ਮੇਂਗਣਾ ਪਾ ਕੇ ਕਰਨ ਵਾਲਾ ਮੁੰਡਾ ਅੱਜ ਅੱਧੀ ਰਾਤ ਨੂੰ ਵੀ ਸਰਵਣ ਪੁੱਤਰ ਬਣ ਰਿਹਾ ਹੈ। ਖੈਰ! ਪਾਣੀ ਪੀ ਕੇ ਸੌਣ ਲੱਗਾ ਸਾਂ ਕਿ ਉਹ ਅਚਾਨਕ ਆਪਣੀ ਮਾਂ ਕੋਲੋਂ ਉਠ ਕੇ ਡਰਦਾ ਡਰਦਾ ਮੇਰੇ ਮੰਜੇ ਕੋਲ ਬਾਹਰ ਆ ਗਿਆ ਅਤੇ ਕਹਿਣ ਲੱਗਾ, “ਦੀਦੀ ਦਾ ਸੂਟ ਮੈਂ ਕੱਟਿਆ ਸੀ।”
ਸੁਣਦੇ ਸਾਰ ਵੱਟ ਤਾਂ ਬਥੇਰਾ ਚੜ੍ਹਿਆ ਪਰ ਉਸ ਦੇ ਸੱਚ ਬੋਲਣ ‘ਤੇ ਜਜ਼ਬਾਤੀ ਹੁੰਦਿਆਂ ਮੈਂ ਉਸ ਨੂੰ ਘੁੱਟ ਕੇ ਗਲ ਨਾਲ ਲਾ ਲਿਆ, “ਸੱਚ ਬੋਲਣ ਵਾਲਾ ਬੰਦਾ ਜ਼ਿੰਦਗੀ ‘ਚ ਕਦੇ ਮਾਰ ਨਹੀਂ ਖਾਂਦਾ”, ਪਰ ਨਾਲ ਹੀ ਮੇਰਾ ਸੁਆਲ ਸੀ- “ਤੂੰ ਇੱਦਾਂ ਕਿਉਂ ਕੀਤਾ?”
“ਕੱਲ੍ਹ ਮੈਂ ਬੈਠਕ ‘ਚ ਟੀਵੀ ‘ਤੇ ਕਾਰਟੂਨ ਵੇਖ ਰਿਹਾ ਸਾਂ ਕਿ ਦੀਦੀ ਤੇ ਮਾਸੀ ਦੀ ਕੁੜੀ ਰਾਧਾ ਆਈਆਂ… ਮੈਨੂੰ ਇਹ ਕਹਿ ਕੇ ਬਾਹਰ ਕੱਢ’ਤਾ ਕਿ ਕਮਰੇ ਦੀ ਸਫ਼ਾਈ ਕਰਨੀ ਹੈ। ਮੈਂ ਬਥੇਰਾ ਕਿਹਾ, ਸਿਰਫ਼ ਦੋ ਮਿੰਟ ਦਾ ਹੀ ਪ੍ਰੋਗਰਾਮ ਰਹਿ ਗਿਆ ਪਰ ਦੋਨਾਂ ਨੇ ਮੈਨੂੰ ਧੂਹ ਕੇ ਕਮਰੇ ਚੋਂ ਬਾਹਰ ਕੱਢ ਦਿੱਤਾ ਤੇ ਨਾਲ ਹੀ ਹੁਕਮ ਚਾੜ੍ਹਿਆ- ਮੈਂ ਤੀਜੀ ਮੰਜ਼ਿਲ ਤੇ ਜਾ ਕੇ ਗਮਲਿਆਂ ‘ਚ ਪਾਣੀ ਪਾ ਕੇ ਆਵਾਂ। ਗੁੱਸੇ ‘ਚ ਭਰੇ ਪੀਤੇ ਨੇ ਉਪਰ ਆ ਕੇ ਬੂਟਿਆਂ ਨੂੰ ਪਾਣੀ ਦੇਣ ਲਈ ਕੱਪ ਚੁੱਕਣ ਦੇ ਨਾਲ ਹੀ ਕੋਲ ਪਈ ਕੈਂਚੀ ਵੀ ਚੁੱਕ ਲਈ ਅਤੇ ਸਾਰਾ ਗੁੱਸਾ ਸੂਟ ਤੇ ਨਿਕਲ ਗਿਆ।” ਉਸ ਨੇ ਸਾਰੀ ਗੱਲ ਇਕੋ ਸਾਹੇ ਕਹਿ ਸੁਣਾਈ।
ਇਹ ਸਾਰੀ ਵਾਰਤਾ ਨਾਲ ਹੀ ਮੰਜੀ ਤੇ ਪਈਆਂ ਦੋਵੇਂ ਮਾਵਾਂ ਧੀਆਂ ਵੀ ਚੁੱਪ-ਚਾਪ ਸੁਣ ਰਹੀਆਂ ਸਨ ਪਰ ਕੁਝ ਵੀ ਕਹਿਣ ਤੋਂ ਅਸਮਰਥ ਸਨ। ਗੁੱਸਾ ਤਾਂ ਭਾਵੇਂ ਉਨਾਂ ਨੂੰ ਕਾਫੀ ਚੜ੍ਹ ਰਿਹਾ ਸੀ ਪਰ ਬੱਚੇ ਦੇ ਬੋਲੇ ਸੱਚ ਨੇ ਉਨ੍ਹਾਂ ਦੇ ਹੱਥ ਬੰਨ੍ਹ ਦਿੱਤੇ ਸਨ। ਕੁੜੀ ਦੀ ਦੋ ਮਹੀਨੇ ਦੀ ਆਪਣੇ ਸੂਟ ਉੱਤੇ ਕੀਤੀ ਸਖ਼ਤ ਮਿਹਨਤ ਉਪਰ ਪਾਣੀ ਫਿਰ ਜਾਣ ਤੇ ਵਧੀਆ ਸੂਟ ਖਰਾਬ ਹੋ ਜਾਣ ਅਤੇ ਨੁਕਸਾਨ ਨਾਲੋਂ ਮੈਨੂੰ ਬੱਚੇ ਵਲੋਂ ਬੋਲਿਆ ਸੱਚ ਜ਼ਿਆਦਾ ਫਾਇਦੇਮੰਦ ਲੱਗ ਰਿਹਾ ਸੀ ਜਿਸ ਨੇ ਸਾਨੂੰ ਵਹਿਮ ਭਰਮ ਦੇ ਮੱਕੜਜਾਲ ਚ ਫਸਣੋਂ ਬਚਾ ਲਿਆ ਸੀ।
“ਤੂੰ ਬਹੁਤ ਵੱਡਾ ਬੰਦਾ ਬਣੇਗਾ।” ਮੈਂ ਅਸ਼ੀਰਵਾਦ ਵਾਲੇ ਲਹਿਜ਼ੇ ‘ਚ ਮੁੰਡੇ ਨੂੰ ਘੁੱਟ ਕੇ ਗਲ ਨਾਲ ਲਾ ਲਿਆ ਅਤੇ ਦਿਨ ਰਾਤ ਆਪਣੀ ਮਾਂ ਦੇ ਦੁਆਲੇ ਹੀ ਗੇੜੇ ਕੱਢਦੇ ਰਹਿਣ ਵਾਲਾ ਮੁੰਡਾ ਅੱਜ ਪਹਿਲੀ ਵਾਰੀ ਮੈਨੂੰ ਜੱਫੀ ਪਾ ਕੇ ਕਦੋਂ ਸੌਂ ਗਿਆ, ਪਤਾ ਹੀ ਨਹੀਂ ਲੱਗਾ। ਉਸ ਦੇ ਮਨ ਤੋਂ ਵੀ ਸਾਰਾ ਭਾਰ ਲਹਿ ਗਿਆ ਸੀ ਤੇ ਮੇਰਾ ਇਹ ਯਕੀਨ ਹੋਰ ਪੁਖਤਾ ਹੋ ਗਿਆ ਸੀ ਕਿ ਇਸ ਦੁਨੀਆ ‘ਚ ਕੋਈ ਗ਼ੈਬੀ ਸ਼ਕਤੀ ਨਹੀਂ ਹੈ। ਕੁਝ ਵੀ ਕੀਤਾ ਕਰਾਇਆ ਨਹੀਂ ਹੁੰਦਾ ਸਗੋਂ ਸਾਰੇ ਪੁੱਠੇ ਸਿੱਧੇ ਕੰਮ ਮਨੁੱਖ ਦੇ ਆਪੇ ਹੀ ਕੀਤੇ ਹੁੰਦੇ ਹਨ।
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback